《Polly @ ClubONE Wedding Planner 》

唔同年代都有唔同時興嘅嘢
Pre-wedding嘅婚紗照都一樣！

記得多年前，婚照係比較奢侈嘅一件事，主要都係影樓裡面影嘅
入面有好多唔同嘅場景
例如古典書房、火爐大廳 、bear bear熊世界等等
而攝影嘅手法通常就採用比較大頭啲，著重新人嘅面部表情

慢慢婚照越黎越普及，價錢亦相對地大眾化！
攝影風格由最初比較少選擇到近年出現形形色色，各具特色唔再係千篇一律嘅style
婚照已經唔單止局限係室內，而移師到室外啦！
上山下海　天涯海角

由其係而家巿場上有好多好有才華嘅攝影師
都主張為新人影一輯度身訂造 與別不同嘅婚照
攝影師們都會鼓勵新人將佢地嘅故事，或者想影出黎嘅感覺或效果 ，
參與其中嘅人物/ 動物/ 道具等等一一道出
再商討出婚照嘅主題
溝通足夠，加上攝影師嘅功力，當然事半功倍！

好似小妹咁 
我同先生偏愛型格神秘，當然未必個個接受到
但可以影一輯代表到我倆，過左幾年後嘅今日再睇番唔會覺得過時，仍然咁鍾意！
繼續擺係電話做wallpaper嘅pre wedding，執著一次順從自己的心意又何防？！

唔想再影一啲倒模婚照？
快啲從頭細想你地二人嘅愛情故事，影一輯獨一無二，一世都鍾愛嘅pre-wedding啦！♥️