《 Kelly @ ClubONE Wedding Planner 》 

愛的宣言幾乎係接新娘必備環節，要娶靚靚新娘梗係要講返啲啱新娘聽嘅說話啦！ 但坊間嘅愛的宣言未必句句都啱，款式都比較大路。如果想搵啲中point得黎連款式都custom-made嘅價錢又相當暴走，所以我綜合左過往經驗，係呢度教大家自製愛的宣言啦！

首先，先上網搵一搵有冇啱用嘅愛的宣言sample，唔一定要句句都中point ，唔中point嘅句子可以改一改，記得記得要押韻！咁樣新郎讀出黎就會順好多。 

原句：唔嫖唔賭唔食煙 

改成：唔嫖唔賭唔打機、 唔煙唔酒落club

內容定好就可以整整個外觀喇！

通常見到嘅都係比較中式，因為要襯返著裙褂既新娘子。如果當日已經定好明確主題，當然襯返主題就更good-fit啦！有次婚禮新人主題係war game，所以我地用左迷彩做底色，出黎嘅效果都好靚架！ 

另外，大家可以善用電腦黎排版，例如我地今次就print左A3 size，當然大家可以print自己鐘意嘅大小啦，我個人建議大幅d影相出黎效果會靚d! 

之後可以去文具店買一塊珍珠板，將print好嘅宣言用雙面膠紙貼上，再慢慢修飾好d邊邊。提提大家，唔一定用長方形，圓形心形都冇問題架。

就係咁，就可以簡易地完成獨一無二嘅愛的宣言板喇！