《Polly @ ClubONE Wedding Planner 》

我成日都話自己係一個又懶又貪靚嘅女人，所以就成日搵同試一啲新嘢或是新方法可以又慳到時間又扮到靚！相信好多女仔都想有一把又長又亮麗嘅秀髮，猶其係一班bride to be..

冇錯，婚前要好好打理頭髮，等big day個日頭髮有光澤，set起上黎都靚啲嘛！

記住，Big day之後又要護理一下，因為big day當日造型上要用好多會令頭髮受損嘅hair spray..

屬於「懶人系」嘅我，係好少去salon treatment的，一來坐得耐，二來一個月做一次以上又好昂貴，所以就自己試下坊間嘅護髮產品。

效果未必有salon咁好，但係自我感覺都唔錯啊 =)

一個幾月前買左一支髮膜，用法非常簡單：
1. 洗頭後搽上髮膜
2. 敷五分鐘之後過水
3. 搞掂 =)

我買黎試嘅最大原因係因為過程只需要五分鐘，巿面上好多髮膜係要敷比較長嘅時間，呢隻五分鐘可以等我可以洗頭髮膜沖涼一次過，慳番好多時間！

最重要係，用後頭髮明顯地係較之前有光澤，就算無梳順頭髮去洗頭用完髮膜都無打結！

另外，出門前，通常我等頭髮乾到七八成會再用小小髮尾油黎保護髮尾，護髮效果更好！

各位靚女如果有任何又方便又可以扮靚嘅方法請分享一下啊！