《 Kelly @ ClubONE Wedding Planner 》

香港定韓國？pre wedding去邊度影好呀？今日就等我同大家分析下佢地嘅分別同特色啦!

 韓國攝影：
韓風比較自然，色調比較柔和，化妝同婚紗晚裝都比較簡約

而取景方面，通常以室內studio比較多，佢地嘅室內景係非常靚！什至園林景都做得好出色！

不過，近來好多準新人選擇韓風婚攝，因而變得好容易"撞景"...

而且佢地影相嘅技巧實在係出神入化！如果想追求自然，唔想林海峰變林峯嘅話，其實都可以同佢地提出你嘅要求的。

本土攝影：
我自己就一向係本土攝影嘅Fans黎嘅！當然搵唔同嘅攝影團隊就會有唔同嘅style啦，一般黎講都有分野外外影同埋城市外影。

野外外影，故名思義就係到較郊外嘅地點，例如：迪欣湖、山頂柯士甸山道公園、愉景灣、塔門、東坪洲、萬宜水庫、摩星嶺、下白泥等等…

而城市外影當然就係指香港嘅市區啦！包括早期成日見到立法會、中環、電車站等等，都係熱門城市外影嘅地點。
依家更會有攝影公司會幫新人度身訂造，將佢地嘅小小愛情故事變成一張張嘅婚紗照！通常會揀平時倆口子最仲意去嘅地方，例如，平時最鐘意兩個人係大排檔食煲仔飯既，就去大排檔影啦！既有個人特色亦有香港風味！!我個人認為咁樣影婚照更加有紀念價值添！