好， 繼續分享証婚小貼士!
上集講左讀宣誓詞時注意位， 同埋點樣幫對方配戴介子先係最靚，
今日繼續講多少少新郎哥應該點樣去配合，令過程更完美：)

1) 揭頭紗

男人好多時係揭頭紗呢d細節位會暴露左佢地既弱點，

有新郎哥會一野撥落個頭紗到，
然後 一手將頭紗拋去新娘子頭後面，
成個揭頭紗過程只係用左僅僅一秒!
但要注意，當成場人焦點放左係台上面時，
呢一個原本一秒可以完成既小動作其實好緊要，
揭頭紗時，新郎哥其實可以先拎住頭紗個尾部，
然後 一層一層咁摺，然後輕輕放番係新娘子頭後面，

再溫柔咁掃番直個頭紗，再細心d其實可以拎番頭紗個邊邊，

遮一遮新娘子手臂，有得顯瘦 有邊個新娘唔想?：p

“慢”絕對係唔緊要!!!!
相反可以比現場既親戚朋友欣賞到你溫柔體貼既一面
最緊要係，連新外父都覺得可以放心靠個女比你照顧，
咁就100分啦! ?
 
2)  細心紙巾位
証婚過程其實好催淚，十個新娘子九個都感動落淚

此時此刻，如果新郎哥可以係口袋拎張tempo出黎，

輕輕印走新娘既淚珠，你話幾咁細心!

呢個新郎哥仲唔拎爆分?! haha...
所以呢，新郎哥証婚前記得袋住張紙巾仔以防萬一啦：)