限時優惠 優惠通勝 星級優惠 列印
歐惠芳婚禮顧問 11 篇分享
婚禮流的都是開心淚水---- 喊就喊,不需忍!
發表日期:2015-01-06 15:06:23

婚禮好多時候有好多感動嘅場面,尤其是當一對新人致辭嘅時候,好多時候都係喊住咁講,但係好奇怪當佢哋喊嘅時候,台下嘅嘉賓就會大嗌:「唔好喊呀!忍住呀!」其實係咪需要忍住呢?

或者同大家分享一下。但首先要問大家一個問題,1個BB仔出世嘅時候第1件事要做D乜? 3秒時間1, 2, 3, 答案就係 --- 喊! 仲係好大聲咁喊! 但係好奇妙,當BB仔喊嘅時候,全人類都喺度笑,用笑聲嚟歡迎佢降臨呢個世界,用笑聲嚟祝賀佢將來有一個幸福人生! 呢1日就係BB仔第1個重要嘅日子。好快 BB仔長大成人,嚟到佢第2個重要嘅日子,就係佢嘅結婚大日子。正如我頭先所講,當佢哋致辭嘅時候,又係喺度喊,同樣好奇妙地,當佢哋喊嘅時候,全人類都喺度笑,用笑聲歡迎佢哋開啟幸福婚姻,用笑聲祝賀佢哋白頭到老。但係我希望喺下一個佢地重要嘅日子見到佢哋笑,就係佢哋將來BB仔出世嘅時候。

所以,每當我見到新人喊嘅時候,我就會話,係開心嘅淚水,我叫佢做HAPPY TEARS,係歡樂嘅泉源,能夠灌溉我哋嘅生命、滋潤我哋嘅心靈。笑同喊可以和諧共存,笑中有喊,喊中有笑,循環不息,混合成為一個好美妙嘅樂章。

FACEBOOK好友動向
FACEBOOK