《Kathy @ ClubONE Wedding Planner 》

今次想同大家分享一下婚宴歌曲, 首先考考大家, 知唔知一個婚宴裡面, 什麼時候需要播音樂呢?

係咪大多數都會諗到呢幾個環節：進場、上豬、敬酒。
 原來除左以上環節之外, 仲有好多時候都可以播音樂的。等我同大家分享一下啦 :)

1.      MC上台音樂

為左吸引賓客既注意, MC上台之前, 我地都可以播音樂, 比signal賓客, 我地晚宴開始啦!

2.      進場音樂

應該不用我多講, 新人進場咁重要嘅時刻, 當然要揀返首歌去襯托新人嘅進場啦!

3.      切蛋糕音樂

係咪好有疑問, 咩係切蛋糕音樂呢?! 一對新人進場後, 司儀會帶領新人在台上完成一系列既儀式, 如: 切蛋糕, 合巹交杯, 祝酒, KISS, 致辭, 原來係呢個時候都可以播音樂!

4.      上豬音樂

顧名思義, 當然係乳豬先生出場既時候啦, 點可以少左D音樂去歡迎佢出場呢!

5.      敬酒音樂

大家都知道敬酒要揀音樂, 但係大家又知唔知, 原來敬酒既音樂可以揀多過一首呢!

6.       散席音樂

黎到呢個依依不捨嘅時刻, 當然要播返首歌啦!

7.      證婚期間音樂

同切蛋糕音樂一樣, 一對新人證婚期間會戴戒指, 揭頭紗, 簽結婚證書, 都可以揀返一首柔和舒服既音樂去襯托返。 溫馨提示： 新郎新娘宣讀誓詞一刻, 我就唔建議有背景音樂啦, 有機會會蓋左新人既聲音, 亦會阻礙攝錄師收音呢!

8.      席前席間背景音樂

不論開席前或開席後, 都可以選擇一些歌曲作一個背景音樂。

下次同大家介紹下一D我喜歡既歌曲啦 :)