《 Vicky @ ClubONE Wedding Planner 》 

個人身為一個女孩子，都十分貪靚，經常與準新娘子分享護膚心得。

臉部方面，好多準新娘子會留意好多美容面膜，因為始終方便，自己在家容易處理。但我個人認為清潔比較重要，清潔做得唔好，敷幾多都吸收唔到。因太多污垢積聚，阻塞毛孔，更會愈敷愈差。

平時的日常護理，我落妝都會落兩次。冇化妝的話，只係塗抹護膚品及防曬，我都會落一次。好多人會認為冇化妝就不用落妝，但其實只係用洗臉乳都未必能夠清洗乾淨，積小成多，只會令皮膚慢慢係不知不覺下變差。

今次同大家分享我嘅潔膚恩物：

clarisonic淨膚儀
其實係洗臉機，身邊多朋友都有用洗臉機，左諗又諗，最後都係決定買clarisonic，好處如下：
- 充電方便，有提示燈光，我自己見到變左紅色燈就會拎去充電喇。（約一星期一次）
- 全個機身都可濕水（方便沖涼時一次過洗埋臉）
- 有時間提示清洗臉部位置（例如1分鐘模式，20秒額頭，20秒洗及下巴，10秒左臉，10秒右臉，佢會有咇一聲提示你轉位，完結時會自動關機，非常慳電）
-有高，中，低強弱度選擇（個人認為用低度數已足夠，如想深層清潔一下，間中用中或高強度就可以了，不需要太頻密）

用後感：初初用的一個星期，明顯油脂粒小了，之後已經愛不惜手。每日早晚亦會用，俾小小tips大家，初用不要較至高強度用，皮膚需要適應時間啊！

今次就講住咁多先，下次再同大家分享一個又經濟又實惠嘅洗面儀器俾大家！