《 Kelly @ ClubONE Wedding Planner 》 

其實係我入行之前一直幻想過自己嘅婚禮可以玩玩新意思，要賓客們穿著指定主題嘅既服裝，以下係我自己心目中想嘗試較瘋狂嘅dress code idea：

1. 華麗宮廷晚裝 - 瑪麗皇后
如果大家可以著到好似法國十八世紀宮廷禮服咁浮誇黎參加婚禮嘅話一定好好玩，地點係西環大舞臺呢個咁古色古香嘅古蹟就更加完美！
當然現實應該冇可能發生，咁唯有盡量簡化佢，大家可能帶頂粉色系精緻嘅「貴族帽」，現場預備扇比大家做道具!

 

2. 大享小傳復古風

又係另一個令人著迷嘅時裝年代! 呢個年代嘅服裝比起法國18世紀宮廷服相較容易搵得多!重點係bling bling 頭飾、紅唇、毛毛披肩！如果係淺水灣場地對住個沙灘一定仲啱feel!

3. 夜上海風

其實係中式版嘅大享小傳，呢個主題相信好多人都配合到，尤其係長輩！例如媽媽嘅晚裝可以揀著旗袍就已經非常配合到個主題！

 

當然，以上都係比較誇張嘅想法。

唔想玩到咁大嘅話，可以以顏色為婚禮主題，當然兩隻色就最好，因為未必每個人都有指定顏色嘅服裝，兩隻色嘅話，起碼賓客們可以自行選擇。