《 Polly @ ClubONE Wedding Planner 》 

好多時籌備婚禮時新娘子嘅重點會係妝容，髮型同婚紗晚裝上，
但其實有一樣嘢都好重要，就係 - 鞋！

無論係襯褂嘅褂鞋，定係襯婚紗晚裝嘅鞋，
如果係你，你會點揀呢？

近呢幾年興起潮褂，中式旗袍什至帶點西式復古味道嘅紅色晚裝都係傳統褂之外嘅好選擇，因此相對地鞋款都愈出愈多喇。

除咗一般紅色嘅傳統繡花鞋，有啲係中國味道重民族風嘅鞋，既精緻又特別；

有啲西式紅色lace尖頭高爭鞋，感覺高貴；

有啲更將厚底嘅運動鞋改裝，加啲飾物變成一對又舒服又獨一無二嘅婚鞋。

至於襯婚紗晚裝嘅選擇仲多，我朋友結婚時新娘新郎一齊著對情侶波鞋，而呢兩對波鞋仲痴滿咗閃石mix & match，既舒服又華麗。由其當一對新人要喺席前迎賓時要長時間企喺到同賓客影相，著住波鞋就冇咁攰啦！