《 Polly @ ClubONE Wedding Planner 》

女仔通常都貪靚架啦，但一日24小時總係好似唔夠用咁。
日日返工放工已經好攰，放假就只係想約下朋友去街，又或者攤係屋企咩都唔做hea足成日…

其實有時都想打扮下嘅，不過又有心無力…要我去美容院或者salon坐一日真係寧願留番啲時間訓覺，哈哈。

最近，我就買就部DIY gel甲機，價錢唔算太貴五百零蚊到有交易，機仔細細唔阻地方，試玩過幾次後可以同大家分享下：

1. 先清潔左甲面，搽層base，佢嘅設計就好似一般指甲油咁有埋掃，就咁搽上甲面就可以，先搽晒一邊先

2. 搽完就可以照燈，燈機好容易操作，撳開關制開著部機

3. 佢本身已經preset個照燈時間，一般30秒就ok

4. 照完之後就可以搽顏色嘅gel，同搽base一樣都係照咁掃上面，搽晒一邊又再照燈

5. 照完燈後可按照個人喜好睇下鍾意實色啲定透啲，如果鍾意實色啲就再重覆啱啱個步驟一次，直到你認為滿意為止

6. 完成左上色後，就可以搽top，又係就咁掃上面後照燈，照完再用支清潔水抹一抹個面就大功告成！

係咪好方便呢？

我自己整一對手大慨半個鐘就搞掂，成個過程都係搽同照燈，整完出黎就好似平時街整嘅gel甲咁，甲面亮晶晶，而家又唔易崩！

仲有一個好處 - 係拆甲都可以由自己去做！

佢有支拆甲水，只有滴啲落化妝棉再係甲面敷一陣，攞支棒仔一刮就甩，隨時想換個新色都好方便，啱晒我呢啲又懶又想靚嘅人

大家若果無整開hard gel甲驚要磨到真甲面嘅話，不妨可以試下呢款免磨甲嘅soft gel機！